1Cor 5 | ATA | STEP | Eni elomusi'a ta mitema mia'aloxeni lexe 'ilixo sou vote'i a muxolu no nano noxinge ne. 'Ilixo ane ne anu masua manina xo ta mitema ane'i ane imulaxu tane'i noxou Iesu uasi ne i'oxonu uasi, ia no nano noxinge ne la itema vile mu'oxo 'ilixo sou vote'i noxie momu semau.

a 5:1Liv 18:7-8; Lap 22:30

b 5:3Kol 2:5

c 5:51Ti 1:20

d 5:6Xal 5:9

e 5:7Ais 53:7; 1Pi 1:19

f 5:8Lap 16:3

g 5:112Te 3:6; Tit 3:10

i 5:13Lap 13:5, 17:7

1 Corinthians 5

Ngaxexeenu Vivinge Ane U'oxonu 'Ilixo sou Vote'i

1 ^aEni elomusi'a ta mitema mia'aloxeni lexe 'ilixo sou vote'i a muxolu no nano noxinge ne. 'Ilixo ane ne anu masua manina xo ta mitema ane'i ane imulaxu tane'i noxou Iesu uasi ne i'oxonu uasi, ia no nano noxinge ne la itema vile mu'oxo 'ilixo sou vote'i noxie momu semau. 2 La ngingi ne ngetoongenge mo nge'oxo muitinu! Ia loxovaa la xavutalamengi navuxu mo utama la sou ngaxexeenu itema ane mu'oxonu 'ilixo masua loxo ne mo uxexesinge no taingengi ne uasi? 3 ^bManina lexe eni a axolu noxinge no vasimelo uasi ne ia no a uleleli la eni a exolu noxinge ne. Mo eni eilevinu itema e mu'oxo 'ilixo ne loxo eni a exolu lai ne. 4 No mine ngingi ngapita no nano no ualasou Tilasinge Iesu, la eni a exolu noxinge ne no 'a uleleli, mo xavi noxou Tilasinge Iesu a muxolu ne, 5 ^cla sou nenge ta'italonu itema ane ne ulai noxou Satani mo sou vasimolu sou 'ilixo masua ne umamulo usu'a ia uleenu umauli no voxo noxou Tila. 6 ^d'Ilixomengi sou ngatotoongenge ne anu laixe uasi. Loxovaa ngingi ngalavusou lexe iisi sevile kitu'a ne tamulaxu no 'a veleti latotopesou lololi la usoxolixu uxali tatila uasi? 7 ^eLa sou ngaxexeenu iisi teinu, mo ngingi ngaxali loxo veleti latotopesou alavua e iisi sou uasi. Mo sou ngingi ngaxali laixe aloxo ne. Xo Kalisito Sipsip 'Olu noxinge sou voxo ane Lataua mupolopepeene'i ta Isilaeli no anu ne anu a miiamanu mukalu ne. 8 ^fAloxo ne la sou nenge tasolonu 'osa'ila sou voxo tila aloxo ta Isilaeli mi'oxo no 'a voxo ane ne no anu iisi teinu uasi mo iisi ane sou susu xe masaxa masumasua uasi, ia no anu veleti ane iisi no anu uasi anu veleti e malemalenga mo maninasi.

9 Tei la eni ekaukavumengi no nano no anu uoli voloxu noxilo lexe sou ngingi ngaxolu ngapita noxi'a ta mitema sou i'oxonu 'ilixo sou vote'i ne uasi. 10 Uasi ne laaxu lexe ngaxexesi'a ta mitema sou lialia 'o e i'oxonu 'ilixo sou vote'i mo iisu la ipulumasi'a xe itangatulu sou ilotu noxi'a ta lataua kalakalavoi ne uasi. Xo lexe ngingi nga'oxo aloxo ne la umomomo sou ngingi ngaxexee sou lialia 'o avile. 11 ^gIa vaimomo 'o eni akaukavumengi lexe mamu sou ngingi ngaxolu ngapita noxi'a ta mitema ane'i ane me'a ileme'a lexe ane'i ne ta vivinge noxou Kalisito ia ane'i milavusou 'ilixo sou vote'i mo valamoa ^{▼▼5:11valamoa ne laaxu lexe matea.} xe itangatulu ulai noxi'a ta lataua kalakalavoi mo ane'i ane ivikala masumasua noxi'a ta mitema xe iiexu lexa pekia'u u'oki mo iisu la ipulumasi'a. Ta mitema ane loxo ne ngongi'a ngaxolu ngapita mo nga'ani mamu. 12 Xaixai ma'i ane noxilo sou eni ailevinu 'ilixoi'a ta mitema ane ixolu no ale no 'a lalotu? Ia loxovaa ngingi ne umomomo sou ngailevinu 'ilixoi'a ane'i ane ixolu no nano no 'a lalotu uasi? 13 ⁱXe ta mitema ane ilavusou ilotu uasi ne Lataua molu uilevinu 'ilixoi'a.

“Ngaxexene'i ta mitema ane sou masaxa masumasua ne ixexee no taingengi.”